ისრაელის პარლამენტი ქვეყნის პრემიერ-მინისტრ ბენიამინ ნეთანიაჰუსთვის უნდობლობის გამოცხადების საკითხზე შეიკრიბება. ისრაელის მედიის ინფორმაციით, შუამდგომლობა ისრაელის ლეიბორისტულმა პარტიამ დააყენა.
მოხსენების მიხედვით, უნდობლობის გამოცხადების შუამდგომლობა ლეიბორისტებმა მთავრობის მიერ მძევლების უშედეგო დაბრუნების საპასუხოდ წარადგინეს.
„ჩვენი გოგოები და ბიჭები „ჰამასის“ ტყვეობაში 108 დღე არიან. მათ სიცოცხლეს ნებისმიერ მომენტში საფრთხე ემუქრება. ამ ხელისუფლების დროს ისინი მიატოვეს და გაიტაცეს. სწორედ ეს მთავრობა არ იღებს საჭირო გადაწყვეტილებებს მათ გადასარჩენად და ყველა მათგანის სახლში დასაბრუნებლად. ჩვენ ველოდებით, რომ ოპოზიციის ყველა ფრაქცია მხარს დაუჭერს უნდობლობის გამოცხადებას და მოსთხოვს მთავრობას, უპასუხოს კითხვებს, რომლებიც ისრაელის სახელმწიფოში არცერთ მოქალაქეს არ აძლევს მშვიდად ძილის საშუალებას“, – აღნიშნულია ისრაელის ლეიბორისტული პარტიის განცხადებაში.
