ქოლ-ცენტრების საქმის გამოძიების ფარგლებში იოსებ მჭედლიშვილი დააკავეს

თაღლითური ქოლ-ცენტრების საქმეზე დაკავებების სერია დაიწყო - "პირველების" ინფრომაციით, დაკავებულია იოსებ მჭედლიშვილი. დაკავების ფაქტს "პირველებს" მჭედლიშვილისა ადვოკატი თეონა გვაზავა უდასტურებს.

ალექსანდრე ჭიკაიძის უახლოესი გარემოცვის წევრს, ხელბორკილები პროკურატურაში, გამოკითხვისას დაადეს. თუ რას ედავებიან ყოფილ ძალოვანს, ეს ჯერ უფლებადამცველისთვის უცნობია, რადგან გვაზავას თქმით, ჯერ მისთვის საქმის მასალები არ გადაუციათ.

"ამ ეტაპისთვის, მხოლოდ და მხოლოდ იმ ფაქტის დადასტურება შემიძლია, რომ იოსებ მჭედლიშვილის მიმართ დაწყებულია სისხლის სამართლებრივი დევნა. კონკრეტულად საქმის ფაქტობრივ გარემოებებთან დაკავშირებით ინფორმაციას არ ვფლობთ, რადგან არ ჩატარებულა შესაბამისი მოქმედებები,. არ გადმოგვცემია საქმის მასალები. რას ედავებიან, რა ფაქტებთან დაკავშირებით, ამის შესახებ ინფრომაციას არ ვფლობთ. დაკავებულია, მის მიმართ დაწყებულია სისხლის სამართლებრივი დევნა", - ამბობს ადვოკატი.

როგორც პროკურატურა აანონსებს, საქმეზე, დიდი ალბათობით, დაკავებულთა წრე გაიზრდება. რამდენიმე წუთში უწყებაში უნდა მოვიდეს ქოლ-ცენტრების საქმის ერთ-ერთი სავარაუდო ფიგურანტი. ვინ არის ეს პიროვნება, ჯერ=ჯერობით უცნობია, თუმცა "პირველებისთვის" ცნობილი გახდა, რომ პიროვნება არის ქალბატონი და მისი სახელი თაღლითურის ქოლ-ცენტრების ამბავს უკავშირდება.

ცნობილი ხდება რომ პროკურატურაში დაკითხვების ახალი სერიაც იწყეება. რამდენიმე წუთში უწყებაში უნდა მოვიდეს ქოლ-ცენტრების საქმის ერთ-ერთი სავარაუდო ფიგურანტი. ვინ არის ეს პიროვნება, ჯერ-ჯერობით უცნობია, თუმცა "პირველებისთვის" ცნობილი გახდა, რომ პიროვნება არის ქალბატონი და მისი სახელი თაღლითურის ქოლ-ცენტრების საქმეს უკავშირდება.

 ახლა საინტერესოა, გავა თუ არა გამოძიება გავლენიან პირებზე, რადგან, მჭედლიშილი ყოფილი ძალოვანია და არსებობს ვარაუდი, რომ თაღლითური სქემის უკან ალექსანდრე ჭიკაიძე დგას.  თუმცა უკვე მეორე დღეა, შინაგან საქმეთა ყოფილი მინისტრი განმარტებებს არ აკეთებს.

კომპანიები, სადაც ორი დღის წინ სპეცოპერაცია ჩატარდა, ფიქტიურ პირებზეა გაფორმებული, რეალურად კი მას იოსებ მჭედლიშვილი მართავდა. 

"პირველებს" წყარო უყვება, რომ ყოფილი ძალოვანი შინაგან საქმეთა ყოფილი მინისტრისა და ირაკლი ღარიბაშვილის კახური კლანის წევრის ალექსადრე ჭიკაიძის ნდობით აღჭურილი პირია.

ტვპირველი