492 კილოგრამი ორჭიდში - ლაშა ტალახაძის მსოფლიო ჩემპიონობა რეკორდების თანხლებით
17.12.2021 ნახვები: 690
ლაშა ტალახაძე მსოფლიოს ხუთგზის ჩემპიონია - ტაშკენტში მიმდინარე ძალოსანთა მსოფლიო ჩემპიონატზე მან +109 კგ. კატეგორიაში პირველობა არავის დაუთმო და ზედიზედ მეხუთედ მოიპოვა პლანეტის საუკეთესო ძალოსნის ტიტული.
ტალახაძემ ოჭიდის ჯამში 492 კგ. დააფიქსირა, რაც მსოფლიოს აბსოლუტური რეკორდია.
მან აკვრაში პირველ ცდაზე 247 კგ-იანი შტანგა შეუკვეთა და იოლად დაძლია. მეორე ცდაზე კი - 257 კილოგრამი დასძლია.
მესამე ცდაზე მისმა მწვრთნელმა გიორგი ასანიძემ მსოფლიოს ახალი რეკორდი 267 კილოგრამი შეუკვეთა და ტალახაძემ მსოფლიოს ახალი რეკორდი დაამყარა.
ორგზის ოლიმპიურმა ჩემპიონმა და მსოფლიოს 4-გზის ჩემპიონმა ლაშა ტალახაძემ ატაცში 210, 218, 225 კგ დაძლია.
225 კგ. მსოფლიოს ახალი რეკორდია. ლაშა ტალახაძემ საკუთარი რეკორდი გააუმჯობესა. აქამდე მის მიერვე დამყარებული რეკორდი 223 კგ იყო.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
