ცნობილია გახდა საქართველოს ნაკრების კალენდარი ერთა ლიგის 2024/25 წლების გათამაშების ჯგუფური ეტაპზე, რომლის წილისყრაც პარიზში 8 თებერვალს გაიმართა.
საქართველოს ნაკრები ერთა ლიგის B1 ჯგუფში მოხვდა, სადაც მისი მეტოქეები ჩეხეთის, უკრაინისა და ალბანეთის ნაკრებები იქნებიან.
ერთა ლიგის ჯგუფური ეტაპის კალენდარი:
I ტური | 7 სექტემბერი, 2024
საქართველო-ჩეხეთი
II ტური | 10 სექტემბერი, 2024
ალბანეთი-საქართველო
III ტური | 11 ოქტომბერი, 2024
უკრაინა-საქართველო
IV ტური | 14 ოქტომბერი, 2024
საქართველო – ალბანეთი
V ტური | 16 ნოემბერი, 2024
საქართველო – უკრაინა
VI ტური | 19 ნოემბერი, 2024
ჩეხეთი – საქართველო
B ლიგის ჯგუფების გამარჯვებულები A ლიგაში გადავლენ, მეორეადგილოსნები კი რანგით მაღალ ლიგაში დაწინაურების შანსს A ლიგის მესამეადგილოსნებთან ორმატჩიან პლეი ოფში მიიღებენ. B ლიგის ჯგუფებში ბოლო ადგილზე გასული გუნდები C ლიგაში დაქვეითდებიან.
ერთა ლიგის ახალი სეზონის პლეი ოფის მატჩები 2025 წლის მარტში გაიმართება, ხოლო ფინალური ტურნირი 2025 წლის ივნისში.
