Marca - მბამპე მადრიდის რეალის კლუბის ყველაზე მაღალანაზღაურებადი ფეხბურთელი გახდება
19.02.2024 ნახვები: 632
„პარი სენ-ჟერმენის“ ფორვარდი კილიან მბაპე 1 ივლისიდან „რეალის“ ფეხბურთელი გახდება.
როგორც გაზეთი Marca წერს, 25 წლის ფეხბურთელმა ორი კვირის წინ 5-წლიან კონტრაქტს მოაწერა ხელი მადრიდულ კლუბთან. წყაროს ცნობით, მბაპე „რეალის“ ყველაზე მაღალანაზღაურებადი ფეხბურთელი გახდება. ფრანგის სუფთა ხელფასი 15-20 მილიონის დიაპაზონში იქნება, რასაც დაემატება სხვადასხა ბონუსი მიღწევების მიხედვით.
გარდა ამისა, მბაპე მიიღებს ბონუსს „რეალთან“ კონტრაქტის გაფორმებისთვის. ასე რომ, გადასახედების გადახდის შემდეგ ფორვარდის წლიური შემოსავალი, დაახლოებით, 50 მილიონ ევროს გაუტოლდება.
შეგახსენებთ, რომ მბაპემ რამდენიმე დღის წინ აცნობა „პარი სენ-ჟერმენს“, რომ ამ სეზონის შემდეგ დატოვებს კლუბს. მისი კონტრაქტი პარიზელებთან 30 ივნისს იწურება.
