ჯანდაცვის მინისტრის მოადგილის, თამარ გაბუნიას შეფასებით, კოვიდის გავრცელების თვალსაზრისით ამ ეტაპზე დაღმასვლა შეიმჩნევა.
როგორც გაბუნიამ ჟურნალისტებთან საუბრისას აღნიშნა, მოლოდინია, რომ შემთხვევების სტაბილიზაციასთან ერთად, მარტის ბოლომდე უკეთესი მდგომარეობა იქნება, თუმცა მისივე თქმით, ამაზე საუბარი ჯერ ადრეა.
„დღეს 15 ათასზე ოდნავ მეტი ახალი შემთხვევა დაფიქსირდა, რაც გარკვეულწილად კლების ტენდენციაზე მიუთითებს, თუმცა მნიშვნელოვანია კვირის ბოლომდე დავაკვირდეთ და საბოლოო დასკვნა აქედან გამომდინარე გაკეთდეს. ჰოსპიტალურ სექტორში 6 ათასამდე პაციენტი რჩება. ეს ყველაფერი მართვადია. პირველად ჯანდაცვაში ოჯახის ექიმების სისტემა მუშაობს", - განაცხადა თამარ გაბუნიამ.
