რუსული მხარე არ იცავს "სიჩუმის რეჟიმს" და აგრძელებს მარიუპოლის დაბომბვას - ამის შესახებ ინფორმაციას უკრაინული მედია "NEXTA" ავრცელებს.
გამოცემის ცნობით, უსაფრთხოების მიზნით ქალაქიდან მოსახლეობის ევაკუაცია გადაიდო.
Due to the fact that the #Russian side does not adhere to the regime of silence and continues to shell Mariupol, for security reasons, the evaluation of the population is canceled and will take place on another day‼️
- NEXTA (@nexta_tv) March 5, 2022
ქალაქის მერის თქმით, საჰაერო თავდასხმის დიდი რისკის გამო საევაკუაციო სამუშაოები შეწყდა. გავრცელებული ცნობით, მოსახლეობის დიდ რიგებს, რომლებსაც ქალაქის დატოვება სურდათ, რუსმა ოკუპანტებმა ცეცხლი გაუხსნეს.
მსგავსი მდგომარეობაა ქალაქ ირპენში, რომელიც გუშინ მთელი ღამის განმავლობაში იბომბებოდა. იყო საჰაერო თავდასხმა ქალაქზე. დაიბომბა ხიდი. ამ დროისთვის, მოქალაქეები დანგრეული ხიდის გავლით ცდილობენ ირპენის დატოვებას.
ცნობისთვის, დღეს დილით რუსეთის თავდაცვის სამინისტრომ თავად გაავრცელა ინფორმაცია, რომ მარიუპოლსა და ვოლნოვახაში "სიჩუმის რეჟიმი" გამოაცხადა.
