„სფერო ჰოლდინგის“ დამფუძნებელი გივი წულეისკირი მიმართვას ავრცელებს

მოგეხსენებათ, რომ წლების მანძილზე „სფერო ჰოლდინგში“ შემავალი ასოციაციებით ვებრძოდით მევახშეებს, ბანკებს და თაღლითებს. უფასოდ ვემსახურებოდით დაზარალებულ მოქალაქეებს და გამოსახლებას გადავარჩინეთ 1200 ოჯახი. ჰოლდინგის იურიდიულ გუნდს ბოლო პერიოდი ხელმძღვანელობდა სოფიკო პეტრიაშვილი, რომელიც უსაფუძვლოდ იქნა დაკავებული „სფერო ინვესტის“ საქმეზე, რაც წარმოადგენს გარკვეული ჯგუფების ინტერესს, რათა სრულ იზოლაციაში მოაქციონ „სფერო ჰოლდინგი“ და მის სისტემაში შემავალი ასოციაციები. ამის გამო, მევახშეებისაგან დაზარალებულები ვერ ღებულობენ მომსახურებას, გვიჩერდება კომპანიის საქმიანობა ხელოვნურად, კომპანია ვერ უხდის პერსონალს ხელფასებს და მომხმარებლებს თანხებს... თუმცა, შექმნილი გვაქვს აქტივი, 67 მილიონი ლარის ღირებულების უძრავი ქონების სახით, რომელიც ბევრად აღემატება ჯამურად 27 მილიონი ლარის ფინანსურ ვალდებულებას. ხელოვნურად შექმნილი პრობლემის გამო, დროებით ვერ ვახერხებთ ადვოკატებისათვის ჰონორარის გადახდას და დარჩენილი ვართ იურიდიული მომსახურების გარეშე. შეგვიჩერეს ტელევიზიის საქმიანობაც...

ამ ეტაპზე კომპანიას ესაჭიროება სისხლის სამართლის ადვოკატები, რათა ეფექტურად დაიცვან კომპანიის, მისი დამფუძნებლისა და ხელმძღვანელის ინტერესები.

გარდა ამისა, საზოგადოებაში შექმნილი საინფორმაციო ვაკუუმის გამო საჭიროა საინფორმაციო კამპანია, ბრიფინგებისა და პრესკონფერენციების გამართვა, რათა საზოგადოებას ქონდეს სრული ინფორმაცია მიმდინარე მოვლენებზე.

მივმართავთ სისხლის სამართლის მოქმედ და დამწყებ ადვოკატებს და უფლებადამცველ ორგანიზაციებს, გაუწიონ სამართლებრივი მომსახურება „სფერო ჰოლდინგს“ და მის ხელმძღვანელ პირებს და ერთად გადავარჩინოთ პირველი ქართული საინვესტიციო კომპანია.

 

„სფერო ჰოლდინგის“ დამფუძნებელი გივი წულეისკირი მოთავსებულია გლდანის N8 დაწესებულებაში და მასთან ვიზიტი შეუძლია ნებისმიერ სისხლის სამართლის ადვოკატს, ორშაბათიდან პარასკევის ჩათვლით 10:00 სთ-დან 18:00 სთ-მდე - გიგა (გივი) წულეისკირი პირადი N 39001007842.

ველით თქვენ მხარდაჭერას!

არავის მივცეთ კომპანიის განადგურების უფლება!