ირანთან შეთანხმება მხოლოდ მაშინ გაფორმდება, როდესაც ეს შესაბამისი და კარგი იქნება აშშ-ისთვის, ჩვენი მოკავშირეებისთვისა და მსოფლიოსთვის. ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„იმ ხალხისთვის… რომელიც ფიქრობს, რომ ირანთან ომის (საერთოდ თუ დაარქმევ ამას!) დასრულებაზე „ვნერვიულობ”, გთხოვთ გაითვალისწინოთ, რომ შესაძლოა ყველაზე მცირე ზეწოლის ქვეშ მყოფი ადამიანი ვარ ასეთ თანამდებობაზე. მთელი დრო მაქვს მსოფლიოში, მაგრამ ირანს არა - დრო იწურება!
ირანის საზღვაო ძალები ზღვის ფსკერზეა, მათი საჰაერო ძალები განადგურებულია, მათი საჰაერო თავდაცვა და რადარები განადგურებულია, მათი ლიდერები ჩვენთან აღარ არიან, ბლოკადა მჭიდრო და ძლიერია, და ამის შემდეგ ყველაფერი კიდევ უფრო გაუარესდება მათთვის - დრო მათ მხარეს არაა! შეთანხმება მხოლოდ მაშინ გაფორმდება, როდესაც ეს შესაბამისი და კარგი იქნება აშშ-სთვის, ჩვენი მოკავშირეებისთვისა და, რეალურად, დანარჩენი მსოფლიოსთვის“, - წერს ტრამპი.
