შვებით ამოვისუნთქე, რომ პრეზიდენტი დონალდ ტრამპი და მელანია ტრამპი, ასევე თეთრი სახლის კორესპონდენტების სადილზე დამსწრე ყველა პირი უსაფრთხოდ არიან, - ასე ეხმაურება ევროკომისიის პრეზიდენტი ურსულა ფონ დერ ლაიენი თეთრი სახლის კორესპონდენტების ასოციაციის სადილზე მომხდარ ინციდენტს.
„ძალადობის ადგილი პოლიტიკაში არასდროს არის“, - წერს ევროკომისიის პრეზიდენტი სოციალურ ქსელში.
ცნობისთვის, აშშ-ის პრეზიდენტი დონალდ ტრამპი და პირველი ლედი მელანია ტრამპი "თეთრი სახლის კორესპონდენტთა ასოციაციის" მიერ ორგანიზებული სადილიდან გაიყვანეს მას შემდეგ, რაც შეიარაღებულმა მამაკაცმა უსაფრთხოების სამსახურს ცეცხლი გაუხსნა. სამართალდამცავების ინფორმაციით, ეჭვმიტანილი, 31 წლის მამაკაცი, დაკავებულია და სამედიცინო დაწესებულებაში მკურნალობა უტარდება. მას ბრალს ოფიციალურად ხვალ წაუყენებენ.
