გერმანიის საგანგებო და სრულუფლებიანი ელჩის მიმართ საქართველოს ხელისუფლების წარმომადგენლების თავდამსხმები გრძელდები. ხელისუფლების წარმომადგენლების ერთი ნაწილი კი იმედოვნებს, რომ პეტერ ფიშერის უფლებამოსილების ამოწურვის შემდგომ - ახალი ელჩის პირობებში, გარმანია-საქართველოს ურთიერთობები გაუმჯობედსდეს. ამავდროულად, ამ დრომდე ვერ შეუდგა უფლებმოსილების შესრულებას გერმანიაში საქართველოს ხელისუფლების მიერ ელჩად დანიშნული ალექსანდრე კარტოზია.
აღნიშნულ საკითხზე კომენტარს აკეთებს ეკონომიკის პროფესორი, გერმანიის ქრისტიანულ-დემოკრატიული კავშირის წევრი არჩილ იაკობაშვილი.
„მას შემდეგ, რაც პეტერ ფიშერი ერთ თვეში დაასრულებს საქართველოში მოღვაწეობას, ჩემი აზრით, ორ ქვეყანას შორის ურთიერთობების ნორმალიზაციამდე გერმანია ახალი ელჩის თბილისში გაგზავნისგან სამწუხაროდ, ჯერ თავს შეიკავებს.
ურთიერთობის ნორმალიზაცია "ქართული ოცნების" მიერ მიტაცებული ხელისუფლების და ბიძინა ივანიშვილის ჩრდილოვანი მმართველობის პირობებში გერმანიის გადასახედიდან შეუძლებელია.
რა გარანტია აქვს გერმანიის მთავრობას, რომ ახალი ელჩიც ვერბალური თავდასხმების ქვეშ არ მოექცევა "ქართული ოცნების" ხელისუფლების დ მისი პროპაგანდისტების მხრიდან ?!
დიპლომატიური და საკონსულო ურთიერთობები შენარჩუნდება მინიმალურ დონეზე, საელჩოს სტაფი გააგრძელებს მუშაობას (კონსული, მრჩეველი, მდივანი, ატაშე), მაგრამ ელჩის და დესპანის გარეშე.
დიპლომატიაში ელჩის არგაგზავნა წარმოადგენს უკიდურეს ზომას დაძაბული ურთიერთობის ფონზე პროტესტის გამოსახატად.
იგივე მიზეზით, გერმანიის მთავრობა პარალელურად არც თბილისის მიერ დანიშნული ელჩისგან მიიღებს აგრიმანს და არ მოახდენს მის აკრედიტაციას გერმანიის ტერიტორიაზე - შესაბამისად, ბ-ნი ალექსანდრე კარტოზია, ბისმარკის ცნობილი ფრაზა რომ გავიხსენოთ, იქნება ე.წ. "უჰალსტუხო ელჩი."- აცხადებს იაკობაშვილი
შეგახსენებთ, რადიო თავისუფლებისათვის მიცეულ ინტერვიუში პეტერ ფიშერი აცხადებს - „ეს არის ჩემი ერთგვარი დასკვნა საქართველოზე, აქ ოთხწლიანი მუშაობის შემდეგ: ვფიქრობ, ისინი, ვინც საქართველოში ძალაუფლებაში არიან, მივიდნენ დასკვნამდე, რომ არ სურთ ევროკავშირში გაწევრიანება, რომ ეს არ არის მათ ინტერესში. თუმცა მათ არ შეუძლიათ ეს უთხრან მოსახლეობას..."
