ბელგოროდის ოლქის გუბერნატორი ვიაჩესლავ გლადკოვი აცხადებს, რომ უკრაინულმა ვერტმფრენებმა ქალაქში მდებარე ნავთობის ტერმინალზე მიიტანეს იერიში. მისივე თქმით, ვერტმფრენები დაბალ სიმაღლეზე დაფრინავდნენ და უკრაინის ტერიტორიიდან შევიდნენ რუსეთში. ინფორმაციას უკრინფორმი ავრცელებს.
ბელგოროდი უკრაინის საზღვრიდან 30 კილომეტრში მდებარეობს.
გავრცელებული ცნობით, ნავთობის ტერმინალში ამჟამად ხანძარი მძვინვარებს. თვითმხილველების ნაწილი იუწყება, რომ ღამით გაიგეს აფეთქებების ხმა.
