„ნიკა მელია არაა ხელმომწერი მხარე, ის არაა რაიმე ტიპის უფლებებით აღჭურვილი, რომ გვიკარნახოს პირობები," - განაცხადა დღეს, 27 აპრილს, პარლამენტის ყოფილმა თავმჯდომარე არჩილ თალაკვაძემ განაცხადა.
ცნობისთვის: ენმ-ს პატიმრობაში მყოფმა ლიდერმა, ნიკა მელიამ მიმართვა გაავრცელა და მხარეებს მოუწოდა, რომ ამნისტია გაიწვიონ და ის თანახმაა, ევროკავშირის გირაოს შეთავაზებას დასთანხმდეს.
„თუ მას სურდა მოეწერა ხელი და ყოფილიყო იმ მხარეს, სადაც ცივილიზებული პოლიტიკა მიმდინარეობს, მას ეს შეეძლო, მაგრამ მათ ეს არ გააკეთეს, ეხლა, გარედან კარნახი პირობების არის მისივე კოლეგებისთვის მიუღებელი," - აცხადებს თალაკვაძე.
ამასთან, თალაკვაძის თქმით, გირაოს გადახდა მელიას მხოლოდ წინასწარი პატიმრობიდან გაათავისუფლებს.
"რაც შეეხება მელიას დამოკიდებულებას, მე მგონი, ელემენტარული იურიდიული განათლებაა საჭირო. ეს უფრო სპეკულაციური კომენტარები იყო, ვიდრე იურისტების კომენტარები, თუმცა ოპოზიციიდან იურისტებმაც გააკეთეს ეს კომენტარები. საზოგადოებას ნუ შეიყვანთ შეცდომაში. სიმართლე გახლავთ შემდეგი, რომ გირაოს გადახდა ცვლის მხოლოდ წინასწარი პატიმრობის მოცემულობას. გირაოს თუ გადაიხდის ნიკა მელია, ის დატოვებს წინასწარი პატიმრობიდან დაწესებულებას და მონაწილეობას მიიღებს პოლიტიკურ პროცესში, მაგრამ ეს არ ნიშნავს იმას, გირაოს გადახდა უზრუნველყოფს ნიკა მელიას თავისუფლებას. ეს გადაწყვეტილება უნდა მიიღოს სასამართლომ", - ამბობს თალაკვაძე.
