უკრაინაში საქართველოს ელჩის, გიორგი ზაქარაშვილის ინფორმაციით, უკრაინაში ქართველი მებრძოლი გიორგი გრიგოლია დაიღუპა.
ელჩის თქმით, ამ ეტაპზე დამატებით დეტალები ცნობილი არ არის.
არსებული ინფორმაციით, გრიგოლია დონეცკის ოლქში, ბახმუტთან ახლოს საბრძოლო მოქმედებებისას დაიღუპა.
დაღუპულის ოჯახი აღნიშნულის შესახებ ინფორმირებულია.
რუსეთის მიერ უკრაინაში ომის დაწყებიდან დღემდე 13 ქართველი მებრძოლი დაიღუპა.
