ევროკავშირის წევრი ქვეყნები საგარეო ქმედებათა სამსახურის რადიკალური რეფორმის წინადადებას განიხილავენ, - ინფორმაციას გამოცემა Financial Times -ი ავრცელებს.
გამოცემის ინფორმაციით, გერმანია, საფრანგეთი და სხვა ქვეყნები წინადადებას განიხილავენ, რომელიც ევროკავშირის მთავარი დიპლომატის, კაია კალასისთვის და ევროკავშირის საგარეო ქმედებათა სამსახურისთვის (EEAS) უფლებამოსილებების ჩამორთმევას ითვალისწინებს.
წყაროების ცნობით, ევროპელი ლიდერები ევროკავშირის საგარეო ქმედებათა სამსახურის უფლებამოსილების ევროკომისიისთვის და წევრი ქვეყნებისთვის დაბრუნების ვარიანტს განიხილავენ.
მათივე თქმით, ძირეული რეფორმის მიზანს გეოპოლიტიკურ კრიზისებზე ევროკავშირის რეაგირების გაუმჯობესება წარმოადგენს.
„ნათელია, რომ EEAS-ი დღევანდელ სამყაროში ისე აღარ მუშაობს, როგორც უნდა მუშაობდეს. ის დისფუნქციურია. პრობლემა სტრუქტურულია და ამიტომ სტრუქტურა თავიდან უნდა შეიქმნას“, - განუცხადეს გამოცემას წყაროებმა.
გამოცემა წერს, რომ საფრანგეთის მთავრობის მიერ შეთავაზებული ერთ-ერთი წინადადება ევროკავშირის უმაღლესი წარმომადგენლისთვის, კაია კალასისთვის ავტონომიის შეზღუდვას ითვალისწინებს.
„დედაქალაქები უკმაყოფილებას გამოთქვამენ და მათ საგარეო არენაზე მეტი ეფექტურობისთვის ერთსულოვნად მოქმედება სურთ. რეალური რისკი არსებობს, რომ შეიძლება საგარეო ქმედებათა სამსახური დაიშალოს“, - აღნიშნეს წყაროებმა.
მათი ცნობით, წევრი ქვეყნების უკმაყოფილებას კიდევ უფრო ამწვავებს ის ფაქტი, რომ კაია კალასი საკუთარ პოზიციას აფიქსირებს სხვადასხვა საკითხებზე, მათ შორის ევროკავშირისა და ჩინეთის ურთიერთობებზე. ასევე, წევრი ქვეყნები თვლიან, რომ ხშირად კალასი ისეთ წინადადებებს წარადგენს ხოლმე, რომელიც მათთან შეთანხმებული არ არის.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
