„კოალიცია ცვლილებებისთვის“ ერთ-ერთი ლიდერი ნიკა გვარამია ევროკომისიის პრეზიდენტ ურსულა ფონ დერ ლაიენის ევროპარლამენტში გამოსვლას გამოეხმაურა და განაცხადა, რომ საქართველოსთან დაკავშირებულ ვითარებაზე სრული პოლიტიკური პასუხისმგებლობა „ქართულ ოცნებას“ ეკისრება.
გვარამიას თქმით, ფონ დერ ლაიენმა საქართველო არც ევროკავშირის გაფართოების და არც შუა დერეფნის საკითხზე საუბრისას ახსენა. თავად ფონ დერ ლაიენმა განაცხადა, რომ ევროკომისია მალე წარადგენს სამოქმედო გეგმებს იმ კანდიდატი ქვეყნებისთვის, რომლებმაც ყველაზე მეტი პროგრესი აჩვენეს და ხაზი გაუსვა, რომ გაფართოების პროცესი დამსახურებაზე დაფუძნებული დარჩება. (European Commission)
„ურსულა ფონ დერ ლაიენის სიტყვით გამოსვლასთან დაკავშირებით, რომელშიც მან საქართველო არც გაწევრიანებისა და არც შუა დერეფნის საკითხში ახსენა, სრული პასუხისმგებლობა ეკისრება „ქართულ ოცნებას“ და ეს პასუხისმგებლობაც ხელისუფლების ცვლილების შემდეგ იქნება გათვალისწინებული“, — განაცხადა გვარამიამ.
მისი თქმით, ხელისუფლების ცვლილების შემთხვევაში „ქართული ოცნების“ პოლიტიკური პასუხისმგებლობის საკითხი უნდა დადგეს.
„ქართული ოცნება“ ხელისუფლების ცვლილების შემდეგ აუცილებლად იქნება გასამართლებული, როგორც პოლიტიკური ორგანიზაცია, რომელმაც საქართველო უკიდურეს დაღმასვლამდე მიიყვანა. ეს იქნება ნამდვილი გასამართლება პარტიის, დანარჩენი ყველაფერი ფიქციაა, იმიტომ, რომ ამ ქვეყანაში არანაირი სასამართლო და კანონიერება არ არსებობს“, — განაცხადა გვარამიამ.
მისივე თქმით, „ქართულ ოცნებას“ საბოლოოდ „ქართველი ხალხი გაასამართლებს“. ეს შეფასებები გვარამიას პოლიტიკურ პოზიციას წარმოადგენს.
