წიწიბურა, ანუ ჩვენებურად გრეჩიხა, ლობიოს არ შეჭამს

ყველაზე სახალისო იცით რა არის? ის, რომ ლიფსიტებს არ ესმით, რამდენად პატარები და უმნიშვნელოები არიან. ჭიანჭველა რომელიც ლომს ეტლიკინება და ძველ ქართულად რომ იტყვიან "ედერზკება" - ეს ასოციაცია ჩნდება უნებლიედ, როდესაცა უსმენ ბორენკას მომსახურე პერსონალის დირიჟირებულ ლანძღვა-გინებას დასავლეთის მიმართ.

იმდენად უტვინოები არიან, რომ ვერ ხვდებიან - ხვალ ევროპას მართლაც ტვინი რომ გადაუბრუნდეს - მათ ხაზეინს მარშრუტკის ფული არ დარჩება. ხოლო მათი უწიგნურ-უსაქმური შვილები, რომლებიც ევროპა-ამერიკაში ცხოვრობენ - ჩამოცუნცულდებიან უკან. დასავლეთმა პუტინის და მისი გარემოცვის იზოლირება გაბედა, ესენი ვინ მიგდიან?

რუსეთის იმედი ნუ გექნებათ - რუსეთს დღეს თქვენი დაფინანსებისთვის არ სცალია, თანაც ბევრი გინდათ, კაი ცხოვრებას ხართ მიჩვეულები. არც თქვენი მომხრეების იმედი უნდა გქონდეთ - კოლექტიური ხაინდრავა-მაროშკინას-წიწიბურას გარდა, რომლებიც დიიიიდ უმცირესობაში არიან. ქოცებს იდეური მომხრე არ ჰყავთ - მათ თუ ვინმე მხარს უჭერს - ეგ თავიანთი მათხოვრული ხელფასების გამო - 1- 2 თვე რომ არ გადაუხადონ - თავისი ხელებით გამოათრევენ მაგ ნეხვის ტომარას შუშის კოლბიდან.

არაფერს ვამბობ იმაზე, რომ ძალიან ბევრი თუ იხტუნავეს - შესაძლოა ევროკავშირთან უვიზო გააუქმონ და მთელი მათი მეტადონ-კაი ბიჭ-ქურდული მოკავშირეები, რომელთა უმრავლესობა დედების მიერ ევროპიდან გამოგზავნილი ფულით არსებობს- ხვალ ნულზე დაჯდება. მაგრამ ამათ ეს არ ესმით - იმდენად ტვინგაყინულები არიან...

საკუთარი თავის რეალისტური შეფასების უნარი არა აქვთ - ვერ ხედავენ რამდენად სასაცილოები არიან.

ბორენკა თავის გაუკუღმართებულ პატარა სამყაროში ცხოვრობს - იქ ყველაფერი „დალაგებული“ აქვს თავისი უკუღმართი შეხედულებებისამებრ. თუმცა, ხელოვნურ ქოც-სამყაროს ერთი მნიშვნელოვანი ნაკლი აქვს - ის საგარეო არენაზე არ მუშაობს. შეგიძლია წლობით დაამონო და დააჩმორო შენი უბადრუკი მოქალაქეები, თუმცა, უცხოეთში ეს „ტრიუკი“ არ მუშაობს“ - „ბუტკიდან“ გამოსული ოლიგარქი აღმოაჩენს, რომ დასავლეთში მისი ყეყეჩობა სასაცილოდ არ ჰყოფნით და არც მისი მილიარდები ხიბლავს ვინმეს - თავისი მილიარდერები ჰყავთ, როგორც იტყვიან, „ვედრო მანეთად“..

უახლოეს პერიოდში ძალიან სასაცილო ამბები გველოდება - ქოცობა დაირაზმება ბორენკას დასაცავად. ხაინდრავა დასავლეთს ერაყის ომს, ლიბიაში ჩარევას და „მასხარა ზელენსკის“ წახალისებას შეახსენებს, ლალი მაროშკინა იწიკვინებს „ბატონბიძინას თავი დაანებეთ, თორემ მთელი საქართველო აჯანყდება“, წიწიბურა-უმცროსი მაღალი კვალიფიკაციის ძველი ბიჭის ტონით იჩხავლებს, რომ „ბიძინას თუ შეეხებით შეგჭამთ ყველას ცოცხლად“.

რისი იმედი აქვთ ნეტავი - ვითომ შეეშინდება ევროპას კოლექტიური წიწიბურების კივილ-წივილის? არარაობები, რომლებსაც ლაპარაკის თავი შერჩათ მხოლოდ იმის გამო, რომ ევროპას მათი გასრესა ეზარება...

ეს ისტერიული მხარდაჭერა და ანტიდასავლური წყევლა ერთ ქართულ ლოზუნგს მაგონეს - „ჩვენსას არავინ შეგვეცილოს, თორემ ისეთ დღეს დავაყრით თავზე, მტერსაც კი გაეცინება“... მართლაც გაეცინა - რისი დამყრელები ხართ, თქვენ ბეჩავებო? ვის აშინებთ თქვენი ნაყიდი მხარდაჭერების გამოფენით და „ტელე იმედზე“ ყეფით? ამით გინდათ შეაშინოთ სიკვდილის ბუზი, რომელიც უკვე დააჯდა ნეხვის ტომარას?

ესენი არ გაჩერდებიან - ბოლოს და ბოლოს იმდენს იზამენ, რომ სანქციები მთელს ქვეყანას დაედება. და ეს იქნება ერთად-ერთი სწორი ნაბიჯი ევროპისგან - ერი, რომელიც ამ ჭიანჭველების თავხედობას იტანს - უნდა დაისაჯოს. მერე ნახონ გრუზინებმა ვინ ვინ არის ამ სამყაროში - თორემ ბოლო წლების მანძილზე ენები ნამეტანი წაუგრძელდათ. დამოკლება არ აწყენთ.

P.S. ჰო, და კიდევ - საქართველო 30 წელზე მეტია დამოუკიდებელი და თუ რამე ვისწავლეთ - ეს პირველ რიგში, ისაა, რომ ვინც ღაღადებს „მარტო ლობიოს შევჭამთ“ - ის თვითონ სულაც არ აპირებს ლობიოზე გადასვლას. არა, წიწიბურა ანუ „ჩვენებურად“ გრეჩიხა ლობიოს არ შეჭამს, არც წიწიუბურას - ის ძვირადღირებულ სტეიკებს მიირთმევს ბორენკას მიერ ნაჩუქარი ფულით. ლობიო - ეს თქვენთვის და ჩვენთვისაა.

ავტორი: თენგიზ აბლოთია

„ნეიშენ ჯორჯია“