მარკო რუბიო თანამდებობიდან წასვლის შესახებ გავრცელებულ ინფორმაციას უარყოფს – „არ ვიცი, საიდან მოდის ეს ყველაფერი“
კუშნერი: აშშ ევროპისა და რუსეთის უსაფრთხოების ახალ ჩარჩოზე მუშაობს – მომავალ კვირას აბუ-დაბიში უკრაინასთან და რუსეთთან სამმხრივი მოლაპარაკებები გაიმართება
ტრამპი პუტინის წარმომადგენელთან შეხვედრის შემდეგ: უკრაინის ომზე დიდი შეთანხმება იქნება, რომელშიც შესაძლოა მთელი ევროპაც ჩაერთოს
პიტ ჰეგსეთი იმპიჩმენტის მცდელობაზე: ეს არ გამოუვიდათ ტრამპის წინააღმდეგ და არც ჩემს შემთხვევაში გამოუვათ
საგარეჯოში ორი ძმის მკვლელობის ბრალდებით ერთი პირი დააკავეს – გადარჩენილი ძმა თავდასხმის დეტალებს იხსენებს
Bloomberg: მარკო რუბიო თანამდებობიდან წასვლას განიხილავს – სახელმწიფო დეპარტამენტი ინფორმაციას უარყოფს
სალომე ზურაბიშვილი: საქართველოსთვის უვიზო მიმოსვლის შეწყვეტა რუსეთისთვის საჩუქარი იქნება
საგარეჯოში ორი ძმა მოკლეს – არსებული ინფორმაციით, მათ ქორწილში მიმავალ გზაზე ჩაუსაფრდნენ

ანა წითლიძე მოსამართლეებს: მე არ გთხოვთ, რომ სარჩელი არ დააკმაყოფილოთ – საქართველოს ჰყავდა ანწუხელიძეც და ორჯონიკიძეც, რომელ გზას აირჩევთ, თქვენი გადასაწყვეტია

ნახვები: 431 ანა წითლიძე მოსამართლეებს: მე არ გთხოვთ, რომ სარჩელი არ დააკმაყოფილოთ – საქართველოს ჰყავდა ანწუხელიძეც და ორჯონიკიძეც, რომელ გზას აირჩევთ, თქვენი გადასაწყვეტია
„ერთიანი ნაციონალური მოძრაობის“ წარმომადგენელმა ანა წითლიძემ საკონსტიტუციო სასამართლოში ოპოზიციური პარტიების აკრძალვის შესახებ სარჩელის განხილვისას მოსამართლეებს მიმართა და განაცხადა, რომ მათ მიერ მისაღები გადაწყვეტილება არა მხოლოდ სამართლებრივი, არამედ ისტორიული პასუხისმგებლობის საკითხიცაა.

წითლიძემ ყურადღება გაამახვილა საკონსტიტუციო სასამართლოს მოსამართლე ვასილ როინიშვილისა და ყოფილი იუსტიციის მინისტრის, ზურაბ ადეიშვილის სამსახურებრივ კავშირებზე. მისი განცხადებით, „ქართული ოცნება“ ადეიშვილის საქმიანობას „ერთიანი ნაციონალური მოძრაობის“ აკრძალვის საფუძვლად იყენებს, მაშინ როდესაც მისი ყოფილი მოადგილე დღეს თავად ახორციელებს კონსტიტუციურ მართლმსაჯულებას.

„წარმოდგენილ სარჩელში 25-ჯერ დავითვალე, მერე დამეზარა, ნახსენებია ზურაბ ადეიშვილი. მოსარჩელე ცდილობს, რომ მისი ინდივიდუალური ფიგურა და საქმიანობა გამოიყენოს „ერთიანი ნაციონალური მოძრაობის“ ანტიკონსტიტუციურად ცნობისა და აკრძალვის საფუძვლად“, – განაცხადა წითლიძემ.

მისი შეფასებით, კონკრეტული თანამდებობის პირის საქმიანობის საფუძველზე მთელი პოლიტიკური პარტიის აკრძალვის მოთხოვნა სამართლებრივ წინააღმდეგობას ქმნის, განსაკუთრებით მაშინ, როდესაც აღნიშნულ პირს პარტიაში თანამდებობა არ ეკავა.

„თუ მოსარჩელე მხარე ამტკიცებს, რომ კონკრეტული თანამდებობის პირის საქმიანობა, რომელიც პარტიული ფუნქციონერი არ ყოფილა და არასდროს ეკავა პარტია „ერთიან ნაციონალურ მოძრაობაში“ რაიმე ტიპის თანამდებობა, იმდენად სისტემური და ანტიკონსტიტუციური იყო, რომ დღეს „ერთიანი ნაციონალური მოძრაობა“ უნდა გაუქმდეს, მაშინ უნდა გადავხედოთ მის ინსტიტუციურ და საკადრო მემკვიდრეობას“, – აღნიშნა მან.

წითლიძის განცხადებით, ვასილ როინიშვილი ზურაბ ადეიშვილის მინისტრობის პერიოდში მთავარი პროკურორის მოადგილის თანამდებობას იკავებდა და მისი ერთ-ერთი მთავარი საკადრო დასაყრდენი იყო.

„სწორედ ამავე სასამართლოს მოსამართლე, ვასილ როინიშვილი, წლების განმავლობაში ზურაბ ადეიშვილის უშუალო საკადრო დასაყრდენი იყო, მთავარი პროკურორის მოადგილე და სისტემის ერთ-ერთი მთავარი ფიგურა, ვისზეც ზურაბ ადეიშვილი დიდ იმედებს ამყარებდა“, – განაცხადა წითლიძემ.

მისივე თქმით, გაუგებარია, რა სამართლებრივი ლოგიკით შეიძლება ადეიშვილის საქმიანობის გამო პოლიტიკური საქმიანობა აეკრძალოს ადამიანს, რომელსაც მასთან უშუალო სამსახურებრივი კავშირი არ ჰქონია, მაშინ როდესაც მისი ყოფილი მოადგილე საკონსტიტუციო სასამართლოს მოსამართლეა.

„მე პირადად ცხოვრებაში ერთადერთხელ მყავს ზურაბ ადეიშვილი ნანახი. როგორ შეიძლება არსებობდეს სამართლებრივი ლოგიკა იმაში, რომ ადამიანს, რომელსაც ერთხელ მყავს ნანახი ზურაბ ადეიშვილი, მისი ნამოქმედარის გამო ამიკრძალო მე პოლიტიკური საქმიანობა და პარტია აკრძალოთ, ხოლო იმავე მინისტრის უშუალო საკადრო დასაყრდენი და შემსრულებელი ამავე დარბაზში იჯდეს და კონსტიტუციურ მართლმსაჯულებას ახორციელებდეს?!“ – განაცხადა წითლიძემ.

სასამართლოში გამოსვლისას მან „ერთიანი ნაციონალური მოძრაობის“ საქმიანობაზეც ისაუბრა და უარყო მოსარჩელე მხარის არგუმენტები, რომლებიც პარტიის საქმიანობას სისტემურ დანაშაულებს უკავშირებს.

„„ნაციონალური მოძრაობის“ დნმ ვერ იქნება სისტემური დანაშაულები. „ნაციონალური მოძრაობის“ დნმ არის აღმშენებლობის ცხრა წელი, თავისუფლებისთვის, სამართლიანობისთვის და ქვეყნის ევროპული მომავლისთვის ბრძოლა“, – განაცხადა წითლიძემ.

გამოსვლის დასასრულს „ნაციონალური მოძრაობის“ წარმომადგენელმა მოსამართლეებს მიმართა და ისტორიული პარალელებით მათ პირად პასუხისმგებლობაზე გაამახვილა ყურადღება.

„მე არ გთხოვთ თქვენ, რომ ეს სარჩელი არ დააკმაყოფილოთ. საქართველოს ისტორია არასდროს ყოფილა ერთგვაროვანი – ჩვენ გვყავდა ანწუხელიძეც და სერგო ორჯონიკიძეც, გვყავდა ილიაც და გვყავდა ბერბიჭაშვილებიც. რომელ გზას აირჩევთ, ეს თქვენი გადასაწყვეტია“, – განაცხადა ანა წითლიძემ.

შეგახსენებთ, საკონსტიტუციო სასამართლოში მიმდინარეობს „ქართული ოცნების“ 88 დეპუტატის სარჩელის განხილვა, რომელიც ხუთი ოპოზიციური პარტიის არაკონსტიტუციურად ცნობასა და აკრძალვას ითვალისწინებს. სასამართლოს საბოლოო გადაწყვეტილება ჯერ არ მიუღია.

ყველას ნახვა
ყველას ნახვა
ყველას ნახვა